Тайвань улсад 1999 оноос хойш тохиолдоогүй хүчтэй газар хөдлөлт болжээ
Тус улсад өнөө өглөө /2024.04.03/ орон нутгийн цагаар 08:00 цагт болсон 7,4 магнитудын газар хөдлөлтийн улмаас нийт дөрвөн хүн амь үрэгдэж, 57 хүн бэртэж, гэмтсэн байна. Орон нутгийн өдөр тутмын сонины мэдээлснээр Тароко Үндэсний Паркад алхалт хийж байсан гурван иргэн хөрсний гулгалтын улмаас амь насаа алджээ. Сургууль, цэцэрлэгийн хүүхдүүдийг аюулгүй талбайд нүүлгэн шилжүүлсэн бөгөөд 25 сая хүн үйлчлүүлдэг хот хоорондын галт тэрэгний үйлчилгээ тасалдсан байна. Мөн дэлхийн хоёрдугаар дайны үед баригдсан сургуулийн барилгын хана, хийц бүтэц гэмтсэн аж.
1999 оны 9 дүгээр сарын 21-нд болсон 7,7 магнитудын газар хөдлөлтийн аюулт үзэгдлийн улмаас 2400 хүн амь үрэгдэж, 100 мянган хүн бэртэж гэмтсэн ба олон мянган барилга байгууламж сүйдэж байсан түүхэн гамшгаас хойш тохиолдож байгаа хоёр дахь том газар хөдлөлтийн аюулт үзэгдэл тохиолдлоо хэмээн орон нутгийн удирдлагаас мэдээлжээ.
Эх сурвалж: CNN.com
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/04/03
Шинэ мэдээАхмадын хороо, зөвлөлүүдийн ахмад ажилтнуудын дунд “Софтволейбол”-ын аварга шалгаруулах тэмцээнийг зохион байгууллаа
Онцгой байдлын байгууллагын 20 жилийн ойг тохиолдуулан Ахмадын хороо, зөвлөлүүдийн ахмад ажилтнуудын дунд “Софтволейбол”-ын аварга шалгаруулах тэмцээнийг өнөөдөр ОБЕГ-ын харьяа 121 дүгээр ангийн спорт зааланд зохион байгууллаа.
2024/04/03
Шинэ мэдээБүртгэгдсэн гамшиг, аюулт үзэгдэл, ослын 80 нь гал түймрийн дуудлага байна
Нийт гамшиг, аюулт үзэгдэл, ослын 80 нь гал түймэр, 19 нь хүний үйл ажиллагаатай холбоотой осол, дөрөв нь геологийн гаралтай аюулт үзэгдэл, дөрөв нь биологийн гаралтай аюулт үзэгдэл, хоёр нь ус, цаг уурын гаралтай аюулт үзэгдэл байна.
2024/04/03
Шинэ мэдээБаянхонгорын Гурванбулаг суманд 20 см цасан бүрхүүл тогтжээ
Хамгийн их нь Баянхонгорын Гурванбулаг 20.0 см, Бөмбөг 16.0см, Бууцагаан, Хүрээмарал 12.0см, Өвөрхангайн Арвайхээр, Уянга 9.0см, Өмнөговийн Даланзадгад 6.0 см, бусад хэсгээр 0.0-5.0 см цасан бүрхүүл тогтсон байна.
